МОЛИТВЫ ЗА БОЛЯЩИХ

Участник

[b]Канон за болящего, глас 3-й[/b]
[i][/i]
[u]Песнь 1[/u]
[i]Ирмо́с:[/i] Пресекаемое море жезлом древле, Израиль пройде яко по пустыни, и крестообразно яве предуготовляет стези. Сего ради поим во хвалении чудному Богу нашему, яко прославися.
[i]Припев:[/i] Милостиве Господи, услыши молитву раб Твоих, молящихся Тебе.
В день печали, нашедшия на ны, к Тебе, Христе Спасе, припадающе, Твоея милости просим. Облегчи болезнь раба Твоего, изреки нам яко и сотнику: иди, се здрав есть отрок твой.
[i]Припев:[/i] Милостиве Господи, услыши молитву раб Твоих, молящихся Тебе.
Мольбы и моления, с воздыханием к Тебе вопием, Сыне Божий, помилуй нас. Воздвигни со одра лежащаго, яко разслабленнаго словом: возьми одр твой, глаголя, отпущаются ти греси твои.
Слава Отцу и Сыну и Святому Духу.
[i][/i]
Твоего, Христе, образа подобию поклоняющеся, верою целуем, и болящему здравия просим, подражающе кровоточивей, яже подольца риз Твоих коснуся, и исцеление недуга прият.
И ныне и присно и во веки веков. Аминь.
[i][/i]
Пречистая Госпоже Богородице, всем известная Помощница, не презри нас к Тебе припадающих, моли яко блага Твоего Сына и Бога нашего, дати здравие болящему, да Тя с нами прославляет.
[i][/i]
[u]Песнь 3[/u]
[i]Ирмо́с:[/i] Иже от не сущих вся приведый, словом созидаемая, совершаемая духом, Вседержителю Вышний, в любви Твоей утверди мене.
[i]Припев:[/i] Милостиве Господи, услыши молитву раб Твоих, молящихся Тебе.
Иже от тяжких болезней на земли повержен, к Тебе, Христе, с нами вопиет, подаждь здравие телеси его, яко же Иезекии плакавшуся к Тебе.
[i]Припев: [/i]Милостиве Господи, услыши молитву раб Твоих, молящихся Тебе.
Призри, Господи, на наше смирение, и не помяни беззаконий наших, но веры ради болящаго, яко прокаженнаго словом исцели ему болезнь, да Твое, Христе Боже, славится имя.
Слава Отцу и Сыну и Святому Духу.
[i][/i]
Церковь, юже еси освятил, на ту, Христе, не даждь поношения, но воздвигни невидимо в недузе на одре лежащаго, в нейже молим Ти ся: да не рекут невернии, где есть Бог их.
И ныне и присно и во веки веков. Аминь.
[i][/i]
К Твоему пречистому, Богородице, образу руце воздеюще вопием, услыши раб Твоих молитву и спаси в болезни лежащаго, да от болезни востав, воздаст обеты, яже в печали глаголаша уста его.
[u]Седален, глас 8-й:[/u]
На одре греховней лежаща мя, и страстьми уязвена, и якоже воздвигл еси Петрову тещу и спасе разслабленнаго носима со одром, тако и ныне посети, Милостиве, болящаго, понесый недуги рода нашего. Тебе Единаго вемы, терпелива и милосерда, милостива Врача душам и телесем, Христа Бога нашего, наводяща недуги и паки исцеляюща, подавающа прощение кающимся о согрешениих, Единаго Милосердаго и Милостиваго.
Слава Отцу и Сыну и Святому Духу.
Аз грешный плачуся на одре своем лежа, прощение ми подаждь, Христе Боже, и от болезни сея воздвигни мя, и яже есмь от юности грехи сотворил, избыти ми сих молитвами Богородицы даруй.
И ныне и присно и во веки веков. Аминь.
[i][/i]
Умилосердися и спаси мя, воздвигни мя от одра болезненнаго, мощь бо моя во мне изнеможе и весь нечаянием одержим есмь, Мати Божия Пречистая, исцели недугующа люте, Ты бо еси Помощница Христианом.
[i][/i]
[u]Песнь 4[/u]
[i]Ирмо́с:[/i] Положил еси к нам твердую любовь, Господи: Единороднаго бо Твоего Сына за ны на смерть дал еси, темже Ти зовем благодаряще: слава силе Твоей, Господи.
[i]Припев:[/i] Милостиве Господи, услыши молитву раб Твоих, молящихся Тебе.
Уже отчаянна лютым недугом и к смерти приближившася, возврати, Христе, на живот и даждь плачущимся утеху, да вси прославляем Твоя святая чудеса.
[i]Припев:[/i] Милостиве Господи, услыши молитву раб Твоих, молящихся Тебе.
К Тебе, Творче, каемся в своих гресех, яко не хощеши смерти грешничи, оживи, уздрави болящаго, да востав послужит Ти, исповедуя с нами Твою благость.
Слава Отцу и Сыну и Святому Духу.
[i][/i]
Слезы Манассиины, Ниневитян покаяние, Давидово исповедание приим, вскоре спасл еси, и наши молитвы ныне приими, даждь здравие болящему, о нем же Тя молим.
И ныне и присно и во веки веков. Аминь.
Подаждь нам Твою милость, Госпоже, всегда на Тя надеющимся, испроси здравие болящему, врачебнии Твои руце с Предтечею, Богородице, ко Господу Богу простирающи.
[i][/i]
[u]Песнь 5[/u]
[i]Ирмо́с:[/i] На земли Невидимый явился еси, и человеком волею сожил еси Непостижимый, и к Тебе утренююще, воспеваем Тя, Человеколюбче.
[i]Припев:[/i] Милостиве Господи, услыши молитву раб Твоих, молящихся Тебе.
Дщерь Иаирову уже умершу, яко Бог оживил еси, и ныне возведи, Христе Боже, от врат смертных болящаго, Ты бо еси Путь и Живот всем.
[i]Припев:[/i] Милостиве Господи, услыши молитву раб Твоих, молящихся Тебе.
Сына вдовича оживив Спасе, и тоя слезы преложив на радость, спаси от недуга тлеющаго раба Твоего, да и наша скорбь и болезнь на радость приидет.
Слава Отцу и Сыну и Святому Духу.
Огненну болезнь тещи Петрове прикосновением Твоим исцелив, и ныне возстави болящаго раба Твоего, да востав яко Иона, послужит Ти.
И ныне и присно и во веки веков. Аминь.
Скорбнии, смиреннии, грешнии, не имущии дерзновения к Тебе, Пречистая Богомати, вопием, умоли Сына Твоего Христа дати болящему здравие телеси.
[i][/i]
[u]Песнь 6[/u]
[i]Ирмо́с[/i]: Бездна последняя грехов обыде мя, и исчезает дух мой: но прострый, Владыко, высокую Твою мышцу, яко Петра мя, Управителю, спаси.
[i]Припев:[/i] Милостиве Господи, услыши молитву раб Твоих, молящихся Тебе.
Бездну милосердия и милости имея, Христе Боже, услыши моления раб Твоих. Ты бо еси Петром Тавифу воскресил, Ты и ныне в болезни лежащаго воздвигни, послушав церковных молитвенник.
[i]Припев[/i]: Милостиве Господи, услыши молитву раб Твоих, молящихся Тебе.
Врачу душам и телесем нашим, понесый недуги всего мира, Христе, и Енея Павлом исцеливый, Ты и ныне болящаго исцели святых апостол молитвами.
Слава Отцу и Сыну и Святому Духу.
Преложи, Христе, на радость рыдание о недужнем скорбящем, да Твою получивше милость, внидут в дом Твой со обетными дарми, славяще Тя в Троице Единаго Бога.
И ныне и присно и во веки веков. Аминь.
Приидите, о друзи, поклонимся молящеся о болящем Божией Матери. Та бо имеет власть недужныя исцеляти, со безмездникома вкупе, духовным невидимо помазующе маслом.
[i][/i]
[i]Кондак, глас 3-й:[/i]
Душу мою, Господи, во гресех всяческих, безместными деяньми разслаблену воздвигни божественным Твоим человеколюбием, яко же и разслабленнаго воздвигл еси древле, да зову Ти спасаем: щедре Христе, даждь ми изцеление.
[i][/i]
[i]Икос:[/i]
Иже руки Своей горстию содержай концы, Иисусе Боже, Иже Отцу собезначальный и Духу Святому совладычествуя, яко плотию явился еси недуги исцеляя и страсти очистил еси, слепыя просветил еси, и разслабленнаго словом Божественным совоставил еси, сего право ходяща сотворив и одр повелел еси на раму взяти. Темже вси с ним воспеваем и поем: щедре Христе, даждь ми иcцеление.
[i][/i]
[u]Песнь 7[/u]
[i]Ирмо́с:[/i] Прежде образу златому, персидскому чтилищу отроцы не поклонишася, трие поюще посреде пещи: отцев Боже, благословен еси.
[i]Припев:[/i] Милостиве Господи, услыши молитву раб Твоих, молящихся Тебе.
О, Кресте Пресвятый Христов, честное Древо Животное. Тобою смерть погибе и мертвии воскресоша, и ныне болящаго изцели и оживи, якоже при Елене умершую девицу.
[i]Припев:[/i] Милостиве Господи, услыши молитву раб Твоих, молящихся Тебе.
Долгую и лютую болезнь Иовлю на гноищи и в червех, того молящася, словом изцелил еси, Господи. И ныне же в церкви о болящем молим Тя: яко благ, изцели невидимо молитвами святых Твоих.
Слава Отцу и Сыну и Святому Духу.
Вси вемы, яко умрети нам есть, Тебе Богу тако изволившу, но на мало время, Милостиве, здравия просим болящему, премени от смерти на живот, даждь скорбящим утеху.
И ныне и присно и во веки веков. Аминь.
Пособствуй и помогай нашему сиротству, Богородице, Ты бо веси время и час, когда умолити Сына Твоего и Бога нашего, дати болящему здравие и прощение от всех грех.
[i][/i]
[u]Песнь 8[/u]
[i]Ирмо́с:[/i] Служити Живому Богу, в Вавилоне отроцы претерпевше, о мусикийских органех нерадиша, и посреде пламене стояще, боголепную песнь воспеваху, глаголюще: благословите вся дела Господня Господа.
[i]Припев:[/i] Милостиве Господи, услыши молитву раб Твоих, молящихся Тебе.
Милость покажи, Владыко, в болезни раба Твоего, и скоро изцели, милостиве Христе Боже, и аще смерти не предаждь судней, да Ти покаяние воздаст. Сам бо рекл еси: не хощу смерти грешничи.
[i]Припев:[/i] Милостиве Господи, услыши молитву раб Твоих, молящихся Тебе.
Господи милостиве, Твоя преславная чудеса да и до нас ныне достигнут: бесы прожени, недуги погуби, раны изцели, болезни уврачуй, и потворы и чародеяния и всякия язи избави ны.
Слава Отцу и Сыну и Святому Духу.
Запретивый, Христе, морским ветром, и страх ученик на радость преложивый, и ныне запрети тяжким болезнем, труждающим раба Твоего, да вси возвеселимся хваляща Тя во веки.
И ныне и присно и во веки веков. Аминь.
Избави, Богородице, от обышедших ны печалей, различных недуг, отравы же и чародейства, и бесовскаго мечтания, и от навета злых человек и от напрасныя смерти, молим Ти ся.
[i][/i]
[u]Песнь 9[/u]
[i]Ирмо́с:[/i] На Синайстей горе виде Тя в купине Моисей, неопально огнь Божества заченшую во чреве: Даниил же Тя виде гору несекомую, жезл прозябший, Исайа взываше, от корене Давидова.
[i]Припев:[/i] Милостиве Господи, услыши молитву раб Твоих, молящихся Тебе.
Источниче жизни, подателю, Христе, милости, не отврати лица Твоего от нас. Облегчи болезнь утруженому болезнию, и воздвигни яко Фаддеом Авгаря, да присно Тебе славит со Отцем и Святым Духом.
[i]Припев:[/i] Милостиве Господи, услыши молитву раб Твоих, молящихся Тебе.
Евангельскому верующе гласу, Твоего ищем обета, Христе: просите бо, рече, и дастся вам. Тем и ныне предстояще молим Тя, возстави со одра здрава лютым повержена недугом, да Тя с нами вкупе величает.
Слава Отцу и Сыну и Святому Духу.
Мучимый недугом, внутрь невидимыми ранами, Тебе, Христе, с нами вопиет, не нам, Господи, не нас ради, вси бо мы исполнены грехов, но Матерними Твоими и Предтечевыми молитвами даждь исцеление болящему, да Тя вси возвеличим.
И ныне и присно и во веки веков. Аминь.
Божия Мати Пречистая, со всеми святыми призываем Тя, со ангелы и архангелы, с пророки и патриархи, со апостолы, с преподобными и праведными молися Христу Богу нашему дати здравие болящему, да Тя вси величаем.
[i][/i]
[b]Молитва:[/b]
Боже сильный, милостию строяй вся на спасение роду человеческому, посети раба Твоего сего (имя), нарицающа имя Христа Твоего, исцели его от всякого недуга плотскаго: и отпусти грех и греховныя соблазны, и всяку напасть, и всяко нашествие неприязнено далече сотвори от раба Твоего. И воздвигни от одра греховнаго, и устрой его во святую Твою Церковь здрава душею и телом, и делы добрыми славящаго со всеми людьми имя Христа Твоего, яко Тебе славу возсылаем, со Безначальным Ти Сыном и со Святым Духом, ныне и присно и во веки веков. Аминь.
http://www.molitvoslov.com/
[b]МОЛИТВЫ ОБ ИСЦЕЛЕНИИ ТЕЛЕСНЫХ НЕДУГОВ[/b]
Также есть молитвы, которые приносят Господу при каких-то конкретных заболеваниях:
[i][/i]
О терпении болезней и несчастий
От разных недугов и болезней
Головные болезни
Грудные болезни
Глазные болезни, слепота
Зубная боль
Болезни сердца
Немота
Потеря слуха и болезни ушей
Болезни чревные, грыжа
Болезни ног
Увечье и боль рук
Горячка, лихорадка, жар
Женские немощи
Проказа
Бессоница
Паралич
Болезни крови
Нарывы
Кожные болезни и язвы
Водянка
Расслабление тела с бессонницей, потерей аппетита и лишением каких-либо членов
Рак
Молитва первая об исцелении болящего
Mолитва вторая об исцелении болящего
[b][/b]
Их текст можно прочитать по следующей ссылке:
http://www.molitvoslov.com/content/obiscelenii